Oops! It appears that you have disabled your Javascript. In order for you to see this page as it is meant to appear, we ask that you please re-enable your Javascript!
YouTube Content Provider
* Blogger * Translator * Traveler

Red flag warning !

by Julius Manuel
24 പേർ വായിച്ചു
🛑 You are not allowed to use this text content for YouTube Videos without permission 🛑

നല്ല കാലാവസ്ഥ ! രാവിലെ ഒന്ന് നടന്നുകളയാം പബ്ളിക്സ് ഷോപ്പിംഗ് മാളിൽ നിന്നൊരു ക്യൂബൻ കോഫിയും തട്ടാം എന്നിങ്ങനെ വിചാരിച്ചാണ് നടക്കാനിറങ്ങിയത് പക്ഷെ കുറച്ചു നടന്നുകഴിഞ്ഞപ്പോൾ തന്നെ മുന്നിലൊരു തടസം നേരിട്ടു. ഒരുത്തൻ വഴിനിറഞ്ഞു നടന്നുപോകുന്നു . ഒരു മിനുട്ട് വലതുകൂടി പിന്നെ രണ്ടു മിനറ്റ് ഇടത്തുകൂടി . കാര്യമായ “മരുന്ന് ” അടിച്ചിട്ടുണ്ട് എന്ന് പിടികിട്ടി . കൈയിൽ എരിയുന്ന ഒരു സിഗരറ്റും ഉണ്ട് . വേഗതകൂട്ടി ഓവർറ്റെയ്ക്ക് ചെയ്തതും അവനൊരു വിളി . ബ്രോ … സിഗററ്റുണ്ടോ ? ക്ഷമിക്കണം ഇല്ല എന്ന് പറഞ്ഞുകൊണ്ട് സ്ഥലം വിടാൻ നോക്കിയപ്പോഴുണ്ട് അവൻ പിറകെ വരുന്നു .” നീ കള്ളം പറയുകയാണ് , സിഗരറ്റ് തരുന്നുണ്ടോ ഇല്ലയോ ? ” അവന്റെ മട്ടും ഭാവവും മാറി . അരികിൽ പാർക്ക് ചെയ്തിരുന്ന കറുത്ത കാറിൽ അവൻ മുഷ്ടിചുരുട്ടി ഇടിച്ചു . കയ്യിലെ എരിയുന്ന സിഗരറ്റ് അരികിലെ പുല്ലിലേയ്ക്ക് വലിച്ചെറിഞ്ഞു . എന്നിട്ട് കാറിനുള്ളിൽ ആരെങ്കിലും ഉണ്ടോ എന്നറിയാൻ ഗ്ളാസുവഴി അകത്തേക്ക് നോക്കി . ഒരു നിമിഷം ! വെടിയുണ്ട കണക്കെ കാറിന്റെ ഡോർ തുറന്നു ! ചാരിനിന്നവൻ ചക്ക വെട്ടിയിട്ടതുപോലെ റോഡിലേക്കും വീണു . കാറിനുള്ളിൽ നിന്നും പുറത്തിറങ്ങിയത് ഒരു യൂണിഫോം ധാരിയായിരുന്നു , അണ്ടർ കവർ കോപ് ! ” ഇത് ഞാൻ നോക്കിക്കൊള്ളാം താങ്കൾ നടന്നോളൂ ” സുന്ദരനായ പോലീസ് പയ്യൻ മൊഴിഞ്ഞു . പക്ഷെ ഞാൻ ഒരു നിമിഷം നിന്നു . കാരണം അവനെ അറസ്റ്റ് ചെയ്ത് കൊണ്ടുപോകാനുള്ള വകുപ്പൊന്നും ഇതുവരെ ആയിട്ടില്ല . പിന്നെ എന്ത് ചെയ്യും എന്നറിയാനാണ് ഞാൻ നിന്നത് . പക്ഷെ പയ്യൻ അവനെ നിലത്തിട്ട് വിലങ്ങിട്ട് പൂട്ടി . ഇത് കണ്ടുനിന്നിരുന്ന മറ്റൊരാൾ എന്നോടായി പറഞ്ഞു .” Its Red flag warning Bro !! You should be careful when you throw a cigar ” എന്നും പറഞ്ഞുകൊണ്ട് അയാൾ നടന്നുചെന്ന് അവൻ വലിച്ചെറിഞ്ഞ സിഗരറ്റ് എടുത്ത് ചവുട്ടി കെടുത്തി .എൻ്റെ വിരൽ പതുക്കെ മൊബൈലിലെ വെതർ വാർണിങ് സെക്ഷനിലേക്ക് ഇഴഞ്ഞു . ശരിയാണ് മുന്നറിയിപ്പുണ്ട് . Fire Weather Warning!

ഇങ്ങനെ ദിവസവും ഓരോ വാണിങ് ഉള്ളതിനാൽ ഇതൊന്നും സാധാരണ ശ്രദ്ധിക്കാറില്ല . എങ്കിലും ഇതെന്താണ് എന്നറിയണമല്ലോ . സംഭവം ഇതാണ് എളുപ്പത്തിൽ തീ പടരാനുള്ള സാഹചര്യമാണ് ഇന്നുള്ളത് . അതുകൊണ്ട് ഫയർ / റെസ്ക്യൂ വിഭാഗങ്ങളിൽ ജോലിയെടുക്കുന്നവർക്ക് ഇന്നവധിയെടുക്കാൻ കഴിയില്ല . ഇതുപോലെ സിഗരറ്റ് വലിച്ചെറിയുന്നത് വൻദുരന്തത്തിൽ കലാശിച്ചേക്കാം . എങ്ങിനെയാണ് ഇന്ന് തീപടരാൻ സാധ്യത കൂടുതലുണ്ട് എന്നറിയുന്നത് ? മൂന്ന് കാര്യങ്ങളാണ് ഇതിലേക്ക് പരിഗണിക്കുന്നത് . ഒന്ന് അന്തരീക്ഷത്തിൽ ഈർപ്പം 25 ശതമാനത്തിൽ കുറവായിരിക്കണം . സ്ഥിരമായി 20 mph വേഗതയുള്ള കാറ്റ് . അവസാനമായി Fuel moisture index കുറവുള്ള “10 hour fuels” ന്റെ സാന്നിധ്യം .

അവസാനത്തേത് ഒന്ന് വിശദമാക്കാം . Fuel moisture index ഒരു സൂചികയാണ് . ഒരു ഇന്ധനത്തിൽ ( പുല്ല് , ഉണങ്ങിയ മരം , ശിഖരങ്ങൾ ) ഉള്ള ജലാംശത്തിന്റെ അളവാണത് . അതായത് തീർത്തും ഉണങ്ങിയ ഒരു ഇന്ധനത്തിൻ്റെ Fuel moisture index പൂജ്യം ശതമാനം ആയിരിയ്ക്കും . അതായത് ഊർജ്ജം മുഴുവനും ഇന്ധനം കത്തുവാൻ പ്രയോജനപ്പെടുത്തും . ജലമുണ്ടായിരുന്നു എങ്കിൽ അത് ബാഷ്പീകരിക്കാൻ ഊർജ്ജത്തിന്റെ ഒരുഭാഗം വിനിയോഗിച്ചേനെ . അതായത് Fuel moisture index കുറവുള്ള ഉണങ്ങിയ മരങ്ങളുടെ സാന്നിധ്യം Fire Weather Warning തരാനുള്ള കാരണങ്ങളിൽ ഒന്നാണ് . ഇർമ്മ ചുഴലി ഒടിച്ചെടുത്ത ഉണങ്ങിയ മരങ്ങളും ശിഖരങ്ങളുമാണ് ഇവിടെ Fuel moisture index കുറയാൻ കാരണം .

ഇനി എന്താണ് 10 hour fuels എന്ന് നോക്കാം . ഒരു ഇന്ധനം മാറിയ കാലാവസ്ഥയുമായി പൊരുത്തപ്പെടാനുള്ള സമയം കണക്കിലെടുത്ത് ഇന്ധനങ്ങളെ പലതായി തിരിച്ചിട്ടുണ്ട് . ഇതിനെ Dead fuel moisture threshold എന്ന് വിളിക്കും . പുല്ലുകൾ one-hour fuels ആണ് . അതായത് ഒരുമണിക്കൂർകൊണ്ട് പുല്ലിന് മാറിയ കാലാവസ്ഥയുമായി പൊരുത്തപ്പെടാൻ കഴിയും . ഒരു നല്ല തണുത്ത കാറ്റടിച്ചാൽ ഉണങ്ങിയ പുല്ലിൽ തീ പിടിക്കാനുള്ള സാഹചര്യം കുറയും അത് ഈർപ്പം പെട്ടന്ന് വലിച്ചെടുക്കും . തിരിച്ചും അങ്ങിനെ തന്നെ ! ഇനി ഉണങ്ങിയ ഒരു മരമാണെങ്കിലോ . അവ “10 hour fuels” വിഭാഗത്തിലാണ് പെടുക . മിനിമം അര ദിവസമെടുക്കും മാറിയ സാഹചര്യവുമായി പൊരുത്തപ്പെടാൻ ! അതായത് ഉണങ്ങിയ മരങ്ങളുള്ളയിടത്ത് ചെറിയൊരു മഴപെയ്താൽ തീ ഉണ്ടാകാനുള്ള സാഹചര്യം കുറവാണെങ്കിലും ഉണ്ടായാൽ നിന്ന് കത്തികളയും എന്ന് സാരം . ചുരുക്കത്തിൽ Dead fuel moisture threshold ഇന്ധനത്തിന്റെ വലിപ്പവുമായി ബന്ധപ്പെട്ടിരിക്കുന്നു . ഇപ്പോൾ ഇവിടുത്തെ പ്രശ്‌നം ഇതാണ് , ഈർപ്പം കുറവാണ് , കാറ്റുണ്ട് , നല്ലതുപോലെ ഉണങ്ങിയ മരങ്ങളുമുണ്ട് . അപ്പോൾ United States National Weather Service ഒരു Fire Weather Warning കൊടുത്തു , അത്ര തന്നെ !!!

🛑 You are not allowed to use this text content for YouTube Videos without permission 🛑

Leave a Comment

This site uses Akismet to reduce spam. Learn how your comment data is processed.

MORE POSTS

This website uses cookies to improve your experience. We'll assume you're ok with this, but you can opt-out if you wish. Accept Read More